|
هذا وجهي
ماله هارب بجيوشه
وخوفي شايلا نعشه
لا مطر .. وعيوني ويا دمعها تحت
المظله
عشاق اثنين .. وطفل يركض .. يركض
يما
هذا وجهي
مو مثل اللي في مرايتي
مو مثل اللي غلفته لحبيبتي
هذا وجهي
أخجل أصرخ ويتمرد البرواز
وانسجن في صورتي
يا وعد عرفته كذاب
عشت معاه طفل .. وفات وقتي
صعب اللي أبيه
وانا سجني معاناة
وسجاني انا شاريه
اشبهه في الغضب .. والتمني
.. وفي القهر يشبه الصمت ويشبهني
هذا وجهي
ريح .. ورق أصفر .. وكثير أشياء
كأنه الصبح مشت به عيونه العمياء
ما للطريق نهايه
أنا اشبه البدايه
أشبه أمي .. متى قالت .. متى بكت
فديت ولدي
هذا وجهي
سرا ليله عذر
يجرح العمر لو بقى له باقي
أطوي الشمس
ترى باجر يمر
وجه ذابل .. شاف المر
وفيه الحكي .. يبكي
هذا وجهي
واقف .. خجول
يناظر نفسه
وكبريائه على جنب .. برده فصول
وماسك بحتفه
هذا وجهي
باجر بيهجر بروازه
بيطلع من الصورة .. ماسك بعكازه
بيقطع الرصيف لقبره
هذا هو وجهي
|
